1 Mnungu kazenga mzi wakwe kwo vinenengwa ve milima ukukile

2 Zumbe Mnungu kauungisa zink'hili za Sayuni

kujink'ha wikalo mtuhu wowose.

3 Mbuli za nt'hogola zasimwuilwa mwako,

weye mzi wa Mnungu.

4 "Want'hu wa Misili na Babeli

ni hamwenga na watuhu wanimanyize miye,

want'hu wa Filisiti, want'hu wa Tilo, na Isiopia.

Awa wose welekwa wa Sayuni."

5 Naho mwa Sayuni neilongwe kugamba,

want'hu wa si zose ni wa hadya,

naho mta udahi ywa kulanga naamwink'he ludole.

6 Zumbe Mnungu naawandike mwe kitabu,

umwo akawawaza want'hu wa Yelusalemu

Uyo kelekwa uko.

7 Wakakema na kuvina

"Sayuni ni chotoko cho uvikilwa wetu."