1 Mkemeleni Zumbe Mnungu wila mhya,

mkemeleni nt'hunyo zakwe mwo mdugano wa wahuwilwa.

2 Izilaeli oneni kinyemi mwa muumbi ywenyu,

want'hu wa Sayuni nawamwangile seuta ywawe.

3 Tunyeni na kuvina kwajili ye dizina dyakwe,

mtoweleni zeze na ngoma mwo kumtunya,

4 kwaviya Zumbe Mnungu elelwa ni want'hu wakwe,

wakukeseleza awahamba na uhumi.

5 Wahuwilwa nawaonele kinyemi mwo uhumi uno,

naho kukema wakanga hata nekilo.

6 Nawange kwa maizwi wakamtunya Mnungu,

wakanda ne zisime zawe mwe mikono

7 wazitowe si,

na kuwasulumiza want'hu.

8 Wawakake maseuta wawe mwe minyololo,

na wakulu wawe wawanyinye mp'hingu za kilama,

9 vileke wawasengele want'hu wa si viligane na ivo Mnungu alongile.

Ino ni nt'hunyo kwa wahuwilwa wa Mnungu.

Mtunyeni Zumbe Mnungu .