1 Zumbe Mnungu, Mnungu ywetu,

Ukulu wako waonekela mwe si yose!

Ukulu wako ubula mpaka kwe mbingu.

2 Kwa nt'hogola za wana wadodo na wakonk'ha,

kukeikila gomela mwa wank'hondo wako.

vileke uwanyamaze wank'hondo wako na wahigani wako.

3 Nekilo hakaula ulanga, ni weye uudamanye

Mnenge ne zint'hondo uziikile,

4 mnt'hu niye ani vikuleka weye Mnungu umfanyanye?

Mwana mnt'hu niye ani vikutenda umkaulise?

5 Kumtenda ande hagihi na Mnungu,

kumvala nt'hunyo na ukulu;

6 kumwink'ha udahi mwe kila kint'hu ukiumbile,

kuviika hasi viumbwa vose mwo wikaila wakwe;

7 hamwenga na ngoto na mbuzi na ng'ombe na makala ya kwembago.

8 Madege na samaki,

viumbwa vose va mwe bahali.

9 Zumbe Mnungu ywetu,

ni kindedi zina dyako dikuka mwe si yose!