1 Soni kimkemele Zumbe Mnungu kwa kinyemi,

kimwangile kwa kinyemi yehe akuchamila na kukiyokola.

2 Kiite kwakwe kwa nt'hogola,

kimwangile kwa mila ya kumtunya.

3 Kwaviya Zumbe Mnungu niye Mnungu mkulu,

niye seuta mkulu mwe milungu yose.

4 Si yose imwo udahi wakwe,

vinenengwa ve milima vose ni vakwe.

5 Bahali ni yakwe niye aidamanye,

naho yehe niye aumbile si.

6 Soni, kifunamize vihanga hasi kimvike,

kifike madi ha Zumbe Mnungu akiumbile.

7 Yehe niye Mnungu ywetu,

naswe kiwant'hu wakwe akukidima,

ni enga ngoto zo madimilo yakwe.

Ni vedi mtegeleze kiya akulonga Zumbe Mnungu.

8 "Msekunda wank'hani enga ivo wandaga wakale wenyu kudya Meliba,

enga ivo wandaga kudya Masa kwe dijangwa,

9 aho wakale wenyu wanihimaga na kunigeza,

hamwenga nakugamba waonaga ayo nawadamanyilaga.

10 Cheleko iki chanigelaga kinyulu kwa miaka milongo mine,

niyo nagamba, ‘Ikindedi awa ni want'hu wasaguke.

Hawazimanyize sila zangu.’

11 Nengilwagwa ni maya niyo nakelisa,

‘Wasekwingila mwe isi

nehaunga niwenk'heni wahumule.’"