1 Nakwitanga weye Zumbe Mnungu sunguza kwiza kwangu.

Wive diizwi dyangu hakwitanga.

2 Kulombeza kwangu kukubwiile enga ubani,

mikono yangu hwinula inde enga nt'hambiko ya kisingi.

3 Zumbe, nink'he wamizi milosi yangu umwo halonga,

unamile mwe nk'hili yo mnomo wangu.

4 Use kuulekela umoyo wangu uguhigwe ni mbuli ziiile,

na kukeika hamwenga na want'hu waihile mwa maihi yawe,

naho nisekunda ndala nawo mwe zifugo zawe.

5 Ni vedi muwagilwa aniogole kwa lukunde,

akanifank'hila ni enga mavuta mwo mtwi wangu.

Hata ivo mazuwa yose kulombeza kwangu havikuivana na wakudamanya uwihi.

6 Wakulu wawe nawawaduule hasi kulawa kwa maluwe,

waihi nawakehenize kugamba ayo nalongaga ni kindedi.

7 Nawagambe, "Vikala enga mlimi ivo akulima na kutula makazi, nivo mavuha yetu nayamwaganiswe kwo mwingiilo we kikuta."

8 Mna miye nakukaula weye Zumbe Mnungu,

weye niwe nk'hindo yangu,

usekuleka wanikome.

9 Unamile ne mitego waniikile.

na matasi ya waihi.

10 Waihi wagwiligwe wenye mwe mitego yawe,

umwo homboka haheina kulumizwa.