1 Mnungu akimaila he kitala chakwe kwe mbingu,

alava usengelo mwe midugano ya milungu.

2 "Nouheleze ini kusengela haheina uwagilwa,

na kuwagombela want'hu wavu!

3 Wenk'heni uwagilwa wawe heweina ludole na wana nk'hiwa,

waoneleni mbazi wakuhujilwa na heweina kint'hu."

4 Myokoleni kulawa mwa want'hu waihile.

5 "Nyuwe hammanyize chochose,

mmema kuhujila uuko du,

uwagilwa haumuli mwe isi.

6 Nehigamba, ‘Nyuwe milungu,

naho mwi wana wa Mnungu ekulanga vitendese.’

7 Nombanike enga ivo wakubanika want'hu wose,

ugima wenyu una uheelo enga wakulu wowose watuhu."

8 Mnungu so uwasengele want'hu wa si yose,

kwaviya si yose ni ukipe wako.