1 Zumbe Mnungu ni ani neekale mwe dihema dyako?

Naho niani naahumule mwo mnima wako ukukile?

2 Ni mnt'hu akwikala haheina masa,

akudamanya yedi mazuwa yose

akukelongela ikindedi kulawa mwo moyo wakwe,

3 ni mnt'hu hekusezenga weyawe,

heekumdamanyila mbwiyaye yaihile,

hegu kumnuola finju miyawe,

4 ni mnt'hu akuwabela want'hu wakuhujila,

mna akuwatunya wakumvika Zumbe Mnungu,

ni mnt'hu heekuhitula kilapi chakwe hata uneva hakina mwink'hile upati,

5 heekwink'hiza matundu yakwe kwa kuunga mgenyezo,

hegu kuhokela matundu ya soni kulawa kwa mnt'hu heena masa.

Kindedi mnt'hu akudamanya ayo haabanangwe.