1 Want'hu wose toweni magasa kwa kinyemi,

mwangileni Mnungu kwa maizwi makulu,

2 kwaviya Zumbe Mnungu, Mnungu mta ukulu wa kogofya,

yehe ni Seuta Mkulu ywa si yose.

3 Kakink'ha uhumi mkulu mwe si yose,

kakitenda wadahi mwa want'hu wose wakwikala mwe ziisi.

4 Kakisaguila isi ino inde yetu,

iyo akukeduvila Yakobo, uyo amuungise.

5 Mnungu akwelesa kulanga kwe difumbi dyakwe dya kiseuta,

yeyuko maizwi ya kinyemi na magunda yakutoigwa,

umwo Zumbe akakwela kulanga.

6 Mtogoleni Mnungu kwa ukemi,

seuta ywetu kwa mila,

7 kwaviya yehe niye Seuta mwe si yose,

mtogoleni kwa kumkemela mila.

8 Mnungu kekala mwe difumbi dyakwe dikukile,

yehe ni mta udahi mwa want'hu wa si yose.

9 Wakulu wa si yose wakeduganya enga want'hu wa Mnungu ywa Ibulahimu,

kwaviya maseuta wa mwe si ni wakwe Mnungu,

yehe ni ywa kulanga vitendese.