1 Mtunyeni Zumbe Mnungu,

moyo wangu mtunye Zumbe Mnungu!

2 Nenimtunye Zumbe Mnungu mazuwa yangu yose,

nenikeme nt'hunyo kwa Mnungu mwa mazuwa yo ugima wangu wose.

3 Usekumhuwila mkulu ywa want'hu

awo ni want'hu du hewekudaha kuyokola.

4 Umwo wakabanika wauya mwe sanga,

mwe dizuwa idyo mizungu yawe yose yanda hiyo kint'hu.

5 Wavikilwa wano wambizi ukulawa kwa Mnungu ywa Yakobo,

wano mhuwi kwa Zumbe Mnungu ywawe,

6 uyo muumbi ywe mbingu ne bahali,

na vose vimndani mwamwe,

mazuwa yose yehe ni mhuwilwa mazuwa yose,

7 yehe awenk'ha uwagilwa wakuhujilwa,

na kuwegusa heweina cho kudya,

Zumbe Mnungu awakomwoela wavugailwa,

8 awatenda mant'hunt'hu wakaule,

Zumbe Mnungu awenk'ha nt'hunyo wose wakufika madi na kufunamiza vihanga vawe hasi ho undiilo wakwe,

yehe awaungisa want'hu wakumvika.

9 Awamila watakwiza mwe isi yetu,

awalela wana nk'hiwa na wavele wabanikilwe ni walume wawe,

mna awegala waihi kwo kubanangwa.

10 Zumbe Mnungu ekala mazuwa yose

Mnungu ywenyu nyuwe Sayuni kwe vyeleko vose,

mtunyeni Zumbe!