1 Namwiila Zumbe Mnungu,

namlombeza anionele mbazi.

2 Namwigaila yehe indilo yangu,

naho namgambila makunt'ho yangu yose,

3 aho miye hafa chevu

kamanya icho nehaunga nidamanye.

Mwe sila iyo hwombokela,

wank'hondo wangu wenitegela mitego.

4 Umwo hakekaula,

hikuona yeyose ywa kunambiza

hahali ywa kunamila.

Hahali hata yumwenga ywa kukaula wikazi wangu.

5 Nakuiila weye Zumbe,

miye nagamba ni weye unyilikilo wangu,

naho ni weye upasi wangu mwe isi ya wagima.

6 Unitegeleze indilo yangu

kwaviya hinda hiina kint'hu,

niyokole na wadya wakunongola,

kwaviya wanihuma ludole.

7 Nilave mwo uvugailwa uno,

name nohutogole ho wingi wa want'hu,

kwajili yo uwedi wako kwangu.