1 Nii si zaunga kusaguka?

Ni want'hu wana mizungu heina kint'hu?

2 Maseuta wa si wasaguka,

naho wakulu wafanyanya hamwenga maihi kwa Zumbe Mnungu

na kumhiga seuta amsagule.

3 Wakakegamba, "Kilaweni mwe minyololo yawe wakikakile,

na mwe zisigi zawe wakinyinyile."

4 Mwe difumbi dyo useuta wakwe kwe mbingu, Zumbe Mnungu awaseka

na kuibela mizungu yawe.

5 Yehe niyo awafank'hila kwa maya

na kuwatisa kwa luhahila.

6 "Miye hiika seuta ywangu,

mwe Sayuni lugulu lwangu lukukile."

7 Seuta agamba, "Nenibilikize kiya alongile Zumbe Mnungu.

Yehe kanigamba, ‘Weye u mwanangu,

Dielo hinda iso.

8 Unilombeze.

Miye nohwink'he want'hu we zisi zose,

nowikaile si yose.

9 Nouwahonde kwa ngoda ya kilama

Nouwatuletule enga nyungu.’"

10 Haluse elo, mwive makanyo nyuwe maseuta,

mwinde na mzungu nyuwe wakulu we zisi.

11 Mdamanyileni Zumbe Mnungu kwa wogohi,

mwangileni kwa kuzingiza,

12 na kufunamiza mitwi yenyu ha mwanawe we kilume

sema anawafiileni maya

niyo mwabanika aaho.

Wavikilwa wose wakunyilikila kwakwe.