1 We Mnungu kukilemela, niyo wakihonda,

kunda na maya na suwe, mna kivuze naho.

2 Isi kuigela kisingisa, naho niyo waigela wawi.

Sita aho hengile lwatu kwaviya hasingisika.

3 Kuwagela want'hu wako mwa masulumizo makulu,

kukinywesa mp'hombe, kikolwa naho chazembeduka.

4 Kuwenk'ha kilagiso wadya wose wakukogoha,

vileke waink'he sila misale.

5 Kiyokole na kuchambiza kwa udahi wako,

vileke want'hu wako uwaungise wakombolwe.

6 Kulawa uko kukukile kwakwe kutendese, Mnungu alaganaga akagamba,

"Shekemu neniipange kwa kinyemi,

naho nenidihime dikolongo dya Sukoti.

7 Gileadi ywangu, Manase naye ywangu,

Ifulaimu niyo ink'hofia yangu ya kilama,

Yuda naye niyo ink'home yangu ye kiseuta.

8 Moabu nulo lwiga lwangu lwo kuhakila,

kilatu changu nenikiduile uko Edomu

kinde kilagiso kugamba Edomu ya kwangu.

Naho neni gute lukunga lwa kuihuma Filisiti."

9 Niani naanigale kwo mzi uzengelwe gomela?

Niani naanilongoze kuita Edom?

10 Mnungu weye kukilemela,

hakikudaha kufosa naho na watowani wetu!

11 Chambize kikatowana na wank'hondo,

wambizi wa kimnt'hu haukudaha.

12 Mnungu ananda na suwe nekinde wahumi,

Nekiwahume wank'hondo wetu.