1 Mtunyeni Zumbe,

nyuwe wandima wa Zumbe,

togoleni dizina dyakwe.

2 Zina dya Zumbe divikilwe,

ivi haluse na mazuwa yose

3 Kulawa ulailo wa zuwa mpaka usweelo wa zuwa,

ditogoleni dizina dya Zumbe, 4 Zumbe kenulwa kulanga ye si yose,

ukulu wakwe ukulanga kwe mbingu.

5 Ni ani naande enga ni Zumbe Mnungu ywetu,

uyo akwikala mwo useuta wa kulanga,

6 akufunama hasi

aikaule zimbingu na si.

7 Awenula wakiwa kulawa mwo luvumbi,

na heweina kint'hu kulawa mwe dizala.

8 na kuwaika hamwenga na wakulu,

wakulu wa want'hu wakwe.

9 Amwiika mvele mgumba mwe nyumba yakwe,

amtenda ande na kinyemi kwa kumwink'ha wana.

Zumbe atogolwe!