Zabuli 129

Kulombeza kuwahiga wank’hondo wa Izilaeli

1 Wanisulumizisa kukongela ubwanga wangu,

Izilaeli alonge ivi haluse.

2 Wanisulumizisa kukongela ubwanga wangu

mna hawanihumile,

3 wanilumiza mwo mgongo,

waika mikologombe yawe mitali.

4 Mna Zumbe niye muwagilwa

kanilohola nifose mwe zisigi zo wiihi.

5 Wadya wose wakuiihiya Sayuni,

wahumwe na kuvuzwa kunyuma kwa soni.

6 Nawande enga mani ya mnanga mwe nyumba,

ayo yakunyala yakanda yakei kukula,

7 hayakudaha kumema mwe mikono yo mvuni,

naho hayakumemeza kifumba cha mnt’hu.

8 Hehali naamboke hagihi naawagambe,

"Zumbe Mnungu akuvikile,

chakuvikila mwe dizina dya Zumbe Mnungu."