1 Nakaula kwe milima,

wambizi wangu noulawehi?

2 Wambizi wangu noulawe kwa Zumbe Mnungu

azidamanye mbingu ne isi.

3 Haakuleke ukobadike,

mwamizi ywako emeso mazua yose.

4 Kwaviya yehe akuyamila Izilaeli,

hakukupila naho hakugona nt'hongo.

5 Zumbe mwenye niye akukudima,

kakimala hamwenga na weye enga kugubikwa ni kizuli.

6 Hadihali zua nedikoke nomsi,

hegu mwezi aho nekilo.

7 Zumbe Mnungu naakudime na maihi yose,

naawamile ugima wako.

8 Yehe naakudime ukaita na ukauya

kukongela ivi haluse na mazuwa yose.