1 Zumbe atogolwe!

Kavikilwa mnt'hu akumwogoha Zumbe,

mnt'hu akweleleswa kutimila sigilizi za Zumbe.

2 Wanawe nawande wadahi mwe isi

welekwa wakwe nawande wavikilwa.

3 Mp'huga iyo neinde na ulozo na ugoli,

uhuilwa wawe nounde wa mazuwa yose.

4 Hata kukanda na lwiza, ung'azi wawezila wahuilwa,

wata mbazi wakise na wawagilwa.

5 Ana kinyemi yudya akwink'hiza matundu yakwe kwa ukise,

mnt'hu akudamanya ndima zakwe kwa uwagilwa.

6 Ikindedi heeze asingisike!

Muwagilwa naakumbukilwe mazuwa yose.

7 Haogohe kutegeleza mbuli ziihile,

moyo wakwe utoga, mwo kumhuwila Zumbe Mnungu.

8 Moyo wakwe wadimwa haawogohe,

mpaka awaone wank'hondo wakwe wahumwa.

9 Awenk'haga kwa ukise heweina kint'hu,

uwedi wakwe hauna uheelo,

naande na udahi na kuhuwilwa.

10 Waihi nawayaone ayo na kufa maya,

nawagwegwejule meno niyo wagiila hale,

makawiilo ya waihi yaganika.