1 Naonaga kinyemi weze wanigambe,

"Kite kwe kaya kwa Zumbe Mnungu."

2 Haluse viga vetu vikimala,

he zink'hili zako weye Yelusalemu.

3 Yelualemu uzengigwa utogile,

mzi ulunganywe hamwenga kwa hagihi.

4 Uko nuko makabila nayaite

makabila ya Izilaeli,

yakamtunye Zumbe Mnungu,

viligane ne sigilizi ivo ikulonga.

5 Uko niko yaikigwe mafumbi yo usengelo,

mafumbi yo useuta we mp'huga ya Daudi.

6 Ilombezeleni utondowazi Yelusalemu,

"Wose wakukuunga wekale kwa utondowazi.

7 Kundani kwe zink'handula zako kunde na utondowazi,

na kwamilwa vedi kwe zinyumba zako."

8 Kwajili ye mp'huga yangu na wambuya zangu,

Nagamba, "Mnde na utondowazi."

9 Kwajili ye nyumba ya Zumbe Mnungu ywetu,

nawalombezeleni yedi.