1 Mwa makunt'ho yangu namwiilaga Zumbe Mnungu,

naye niyo anihitula.

2 We Zumbe Mnungu, uniyokole,

na milomo ya wadant'hi na nyimi zina nyambi.

3 Weye wink'higwei?

Naho udamanyilwei

weye lulimi lwa udant'hi?

4 Noulasigwe ni misale ya wadahi isongoke,

nowokigwe na makala ya moto wink'hundu.

5 Hangi miye mwenye kwaviya ni mtakwiza uku Mesheki,

naho nekala mwa mahema ya Kedali.

6 Kwa lupisi lutali nehekala,

mwa want'hu wakuuihiya utondowazi.

7 Miye ni mnt'hu ywa utondowazi,

mna kila halonga,

woho waunga nk'hondo.