1 Mnungu, unive hakulombeza,

utegeleze umwo hakwitanga.

2 Nakulombeza weye

kulawa kwo uheelo we si!

netangea uku moyo wangu ukanda wingila chevu,

unilongoze kwo unyilikilo wa kulanga kujink'ha miye,

3 kwaviya niwe unyilikilo wangu

ni gomela dyangu ditogile wank'hondo wasekuniona.

4 Naungisa nikale mwe kaya yako mazua yangu yose ninde na ukalo,

unigubike na mawawa yako, nisekubwiilwa ni maihi.

5 Icho nilagane kukiva weye Mnungu,

naho kunink'ha kiya ichangu mwa kiya ukuwenk'ha wadya wakukogoha.

6 Mwongezele seuta mazua yo wikazi wakwe,

miaka yakwe vyeleko na vyeleko.

7 Ande seuta ho undiilo wa Mnungu mazuwa yose,

umwamile kwa lukunde lwako no uhuwilwa wako houkusila.

8 Miye nenikeme nt'hunyo ze dizina dyako

na kukulavila nt'hambiko mazua yose.