1 Umwo Zumbe Mnungu akawavuza Yelusalemu watahigwa wa Sayuni,

yandaga enga sozi,

2 chasekeelaga na kukema kwa kinyemi,

want'hu wa si nt'huhu niyo wagamba,

"Mnungu kawatendela mbuli nk'hulu."

3 Ikindedi Zumbe Mnungu kakitendela suwe mbuli nk'hulu,

chandilisaga na kinyemi.

4 Zumbe Mnungu, kivuzile want'hu wetu watahigwe,

enga vizuto vikuseleza mazi uko kwe isi inyaile ya Negebu.

5 Wadya wakuila umwo wakahanda zimbeyu,

nawavune wakakema kwa kinyemi.

6 Akugenda kuhanda uku akaila,

naauye akanga kwa kinyemi,

wakavuza kaya ulozo.