1 Umwo want'hu wa Izilaeli walawaga Misili,

aho welekwa wa Yakobo wayasaga isi yo utakwiza,

2 isi ya Yuda yandaga hant'hu hakukile ha Mnungu,

Izilaeli yandaga useuta wakwe.

3 Bahali yakaulaga niyo yanyilika,

mto wa Yolodani wauyaga kunyuma!

4 Mnima wapilika enga dolome,

vigulu navo enga wana ngoto.

5 Kibwai kikunyilise weye bahali?

Nawe Yolodani mazi yako yavuzwagwa kunyuma niani?

6 Nyuwe milima nikihi kikuwapilisani enga dolome?

Vigulu nanywe mwapiliswa nii enga wana ngoto?

7 We si, zingiza aho eli Zumbe Mnungu,

ho undiilo wa Mnungu ywa Yakobo,

8 akuhitula luwe kunda kawa dya mazi,

iwe ditogile kunda nc'hoko za mazi.