Salmos 14

Wihi wa wanhu

Zabuli ya Daudi, kwa mulangulizi wa nyila

1 Wabozi wolonga muna imizoyo yawo,

"Habule Mulungu."

Wose waga na wotenda mbuli zihile.

Habule munhu yotenda mbuli zinogile.

2 Mndewa Mulungu kowalola wanhu kulawa kuulanga,

muladi yawone fana kuna munhu yoyose yovimanya kukala goya,

yomtambikila yeye.

3 Wose wabananga, wose waga hamwe.

Habule munhu yotenda mbuli zinogile,

habule hata imwe.

4 Vino wanhu wose wotenda mbuli zihile hawavimanyile?

Wowawonela wanhu wa Mulungu chila siku, hawampula Mndewa Mulungu.

5 Wabananzi wezadumba ng’hani,

kwaviya Mndewa Mulungu kowagombela wanhu wotenda mbuli zinogile.

6 Mweye wanhu wotenda mbuli zihile moyalema malungilo ya ngayengaye,

mbali Mndewa Mulungu niiyo kimbililo jawo.

7 Nolonda ng’hani ukombola wa Isilaili ulawe Sayuni!

Mndewa Mulungu vondayawabwelezele wanhu wake ugima utemeligwe mate,

welesi wa Yakobo wizadeng’helela na Waisilaili wezasekelela.