Salmos 32

Hewela kwa ichimu cha kulekelelwa uhasanyi

1 Wamweda wanhu waja wosegeziligwa ubananzi wawo,

na wanhu waja wolekeliligwa uhasanyi wawo.

2 Wamweda wanhu waja uhasanyi wawo haupetigwa na Mndewa Mulungu,

wanhu welibule uvwizi muna imizoyo yawo.

3 Vinikalile sinasama uhasanyi wangu,

lukuli lwangu lusoka ng’hani kwa kulila imisi na ichilo.

4 Mndewa Mulungu, kunitagusa imisi na ichilo,

nguvu zangu zifyonzigwa,

fana isi inyalile lusita lwa zuwa.

5 Maabaho nikulongela uhasanyi wangu,

iviya siufisile wihi wangu.

Nilonga, "Nizamulongela Mndewa Mulungu wihi wangu."

Na weye kunilekelela uhasanyi wangu.

6 Ivo chila munhu yokwaminika yakupule lusita vondayawe muuzidilwa,

kweli gombo vondadize hadizamfikila mbee.