Salmos 70

Kupula kukomboligwa

Zabuli ya Daudi ya kukumbuka, kwa mulangulizi wa nyila

1 Weye Mulungu unikombole,

Weye Mndewa Mulungu, wize hima unitaze.

2 Wanhu woilungila kunikoma,

wagwe chinyala na wasekigwe!

Waja wolonda nilumile,

wahumigwe na wapate chinyala.

3 Waleke waja wonilongela, "Weye! Weye!"

Wabwele kuchisogo kwa chinyala.

4 Waja wose wokuzahila weye,

wadeng’helele na watowe ng’henze kwa ichimu chako.

Wokulonda kwaviya kuwakombola,

walonge, "Mulungu yatogozigwe siku zose!"

5 Niye ngayengaye na nolonda kutazigwa,

weye Mulungu, wize hima hima.

Weye niiyo mtazi wangu na mulopozi wangu,

weye Mndewa Mulungu, sekeukalame.