1 Hanimbi kuusu ufiru na haki yaku,

Gwee Mtuwa Mlungu, hanikuzyumi kwa nyimbu.

2 Hankamalili kulikala makaliru yagahera na likosa.

Hagwizi kwanenindii?

Hanilikali kwa waminika ukaya kwangu,

3 hapeni njimiri matendu madoda kulongolu kwangu.

Nagakalalira matendu ga wakontola,

mirandu yawu hayigendindiri pamuhera na neni.

4 Hapaweri pamuhera na muntu mpotuziya,

hanilituli gweka na kila likontola.

5 Kila yakampayira gwapakwera gwakuyi kwa bada,

hanimnyamaziyi

yakana mtiti na kulitumba

hapeni nimhepeleri.

6 Haniwaloli kwa uheri wantu yawawera waminika,

su walikali pamuhera naneni.

Wantu yawalikala kwa ukamilika,

ndo yawafira kuntendera.

7 Kanampayu yoseri hapeni kalikali mu numba yangu,

kwahera yakatakula mpayu yakaweza kugoloka kulongolu kwaneni.

8 Kila lishaka haniwagamiziyi

wakontola woseri paisi,

haniwagamiziyi wadoda woseri,

kumji gwa Mtuwa Mlungu.