1 Gwee Mtuwa Mlungu nikukwisa, toziya gundopola,

pota guwalekandiri wankondu waneni wanonginongi.

2 Gwee Mtuwa Mlungu, Mlungu gwangu,

nikuliliriti na gwenga gundopola.

3 Gwee Mlungu, gundopola kulawa kuzimu,

gundaviya muwamu mwa yawagenda kuzimu,

gunupa kayi ukomu.

4 Mumwimbiri Mtuwa Mlungu zyuma,

mwee waaminika wakuyi,

mliholi shilii shakatenditi mnanagala na

kulonga mayagashii.

5 Maya gakuyi galikala shaka shididini,

ufiru wakuyi ulikala mashaka goseri.

Kulila kuweza kuwera pashiru,

kumbiti mandawira kwiza nemelera.

6 Neni pamotiti, ntakuliti,

nakaka hapenisindi.

7 Gwee Mtuwa Mlungu, guwera mheri kwaneni,

nagungangamaziya handa lugongu lukulu.

Kumbiti pagulififiti,

naneni hinginika mumoyu.

8 Gwee Mtuwa Mlungu, nikuliliriti gwenga,

nimluwiti Mtuwa Mlungu kantangi.

9 Hagupati mota gaa pahowa na kusuluka mpaka kwa yawahowiti?

Hashi, madikudiku ga yawahowiti gaweza kukuzyuma?

Hashi, waweza kutamba uaminika waku?

10 Gwee Mtuwa Mlungu, gumpikaniri,

gumoneri lusungu na guntangi!

11 Gwenga gugalambula madaya ganeni kuwera msambu gwa nemeru,

gumpusilira kwinginika kwangu,

gumemiziya nemeru.

12 Neni hanikuzyumi pota kunyamala.

Gwee Mtuwa Mlungu,

Mlungu gwangu,

hanongi mayagashii mashaka goseri.