1 Gwee Mtuwa Mlungu, gunteteyi,

mana nilikala pota kubodola,

na nikutumbira ulagwenga pota kutira.

2 Gwee Mtuwa Mlungu, gunjeri na gumpimi,

guloliloli moyu gwangu na maholu gangu.

3 Mana ufiru waku wa kulongolu kwa masu gangu,

nilikala kulawirana na uwaminika wa gwenga.

4 Nilikalandiri na wantu yawayowera mpayu,

na ntyangandiri pamuhera na wantu wafyanku.

5 Nkalalira kuliwona kwa wadoda,

pota hapanilihangi na wakontola.

6 Nankunaviya mawoku gangu kulanguziya nahera likosa,

na kupazyengeta pakutambikira paku gwee Mtuwa Mlungu,

7 su mboti panonga mayagashi,

na kugatambira matendu gaku goseri ga kulikangasha.

8 Gwee Mtuwa Mlungu,

nfira makawu gaku,

pahala pawulikala uweru waku.

9 Nagundaga pamuhera na wanavidoda,

pota nagutola makaliru gangu pamuhera na yawalaga,

10 wantu weni matendu gawu ndo makontola mashaka goseri,

wantu weni wakala kwanka swinda.

11 Kumbiti neni nilikala kwa kutenda uheri,

gunkomboli na gumoneri lusungu.

12 Ngoloka pahala pa uponera,

hanimzyumi Mtuwa Mlungu mulijojoniku likulu.