1 Gwee Mlungu, gupikiniri kulira kwaneni

guyambili likutu luwa yaneni.

2 Kulawa mpeleru zya pasipanu,

pawera ntwezuka moyu,

gunonguziyi kulitalabuwi likulu lyawezandiri kulikwena.

3 Toziya gwenga ndo tugira yaneni,

liboma lyangu ligangamala kwa wankondu wangu.

4 Nikuluwa nilikali mnumba mwaku mashaka goseri,

mpati pakulikala pasi pa pambapatiru zaku.

5 Gwee Mlungu, gupikinira shantakuliti,

na gumpanana uhala wawalii yawalitira litawu lyaku.

6 Gumwongeri mfalumi makaliru matali,

vinja vyakuyi viweri vya viyiwuku vivuwa.

7 Kakolimlima mashaka goseri kulongolu kwaku, gwee Mlungu,

gutendi ufiru na waminika waku vimloleri.

8 Hangu hanikwimbiri nyimbu zya zyuma,

pantenda shantakuliti kila lishaka.