1 Gwee Mtuwa Mlungu, Mtuwa gwetu,

ntambu yaliwera liweru litawu lyaku pasipanu poseri!

Gwenga guwutula uweru waku kumpindi!

2 Mmilomu ya wana wanonu na yawanona

gulitula liboma, toziya ya wankondu waku,

su kuwatenda yawakulema wanyamali.

3 Pandola mpindi zyaku, lihengu lya liwoku lyaku,

lyezi na ntondu yaguzituliti pahala pakuyi.

4 Muntu ndo gaa, ata gumholi?

Mwana gwa muntu ndo gaa ata gumsheri?

5 Gumtenda kaweri pakwegera na Mlungu;

gumvalaziya lijenjeri lya manemu na ukwisa;

6 gumtenda kakolimlima kila shintu shagunyawiti;

guvituliti viwumbi vyoseri pasi pa ukulu wakuyi,

7 pamuhera na kondolu na mbuzi, ng'ombi na wakanyama wa mntundu;

8 wampongu wa kuliyera na wasomba wa bahari,

nakila yashiwera mu bahari.

9 Gwee Mtuwa Mlungu, Mtuwa gwetu,

ukulu waku uwoneka pasipanu poseri!