1 Kumbeku kulushemba Babeli, ndo patulikaliti,

tuliriti patuyiholiti Sayuni.

2 Mumitera ya isi ilii,

tukweteka zeze letu.

3 Yawatulopoliti wafiriti tuwimbiri,

watabisiya wa twenga wafiriti tuwanemiziyi,

pawalonga, "Mtwimbili lwimbu lumu lwa Sayuni!"

4 Hatwimbi hashi lwimbu lwa Mtuwa Mlungu muisi ya shihenga?

5 Gwee Yerusalemu, handa panikulyaluwa!

Liwoku lyangu lya kumliwu na lisindi kutenda lihengu!

6 Lulimi lwangu na luweri lutopa,

handa panikuholandiri, gwee Yerusalemu!

Handa panikukwisandiri gwe Yerusalemu kuliku shilii shashinemiziya nentu.

7 Gwee Mtuwa Mlungu, guliholi gawatenditi Waedomu,

lishaka lilii payilopolitwi Yerusalemu watakuliti,

"Mubomoli mji gwa Yerusalemu! Mbomoli mpaka miyanjiru yakuyi!"

8 Gwee Babeli, hagwagamiziwi!

Katekelerwa yakafira kukuwuzilira,

kwa galii gamututendiriti!

9 Mbaka ulii yakafira kuwatola wana waku

na kuwakomera kulitalabuhi!