1 Nemeliriti pawang'ambiriti,

"Tugendi ukaya kwa Mtuwa Mlungu."

2 Vinu tugoloka,

kumigomi yaku,

gwee Yerusalemu,

3 Yerusalemu ndo mji yagunyawitwi gangamala,

su gugoloki pamuhera.

4 Aku wantu wa makabila wagenda, makabila ga Israeli,

su kulonga mayagashii kwa Mtuwa Mlungu kulinganira na lagiru ntambu lalitakula.

5 Aku ndo kwana viti vya kutoza,

viti vya ukolamlima vya numba ya mfalumi Daudi.

6 Mluwi ponga kwajili ya Yerusalemu.

Woseri yawakufira Yerusalemu waweri na mpatiru.

7 Mngati mwa vibambaza vyaku kuweri na ponga,

mumaboma gaku kuweri na uponera.

8 Kwajili ya walongu na waganja waneni,

ntakula ponga iweri na gwenga,

9 kwajili ya numba ya Mtuwa Mlungu, Mlungu gwetu,

nikufilira mpatiru.