1 Gwee Mlungu gwangu yagumbusilira ndawumu,

gunankuli panduwa.

Pawera na ntabiku, gwenga guntangi,

gumoneri lusungu na kupikinira luwa yaneni.

2 Mwenga, hamhalibisiyi litawu lyaneni mpakandii,

mpakandii hamfiri mirandu yamanandiri

na kulonga mpayu?

3 Muvimani kuwera Mtuwa Mlungu kamsyagula mwaminika kwajili yakuyi.

Nakapikiniraga kila panimshema.

4 Mlendemeri kwa lyoga na namtenda vidoda,

pamunyamala mvitanda vyenu mliholi.

5 Mlaviyi tambiku zyazifiruwa,

na kumtumbira Mtuwa Mlungu.

6 Wavuwa walonga,

"Gaa hakatupanani mpatiru?

Gutuloli kwa lusungu, gwee Mlungu!"

7 Kumbiti neni gumpanana nemeru nkulu mmoyu,

kuliku yawawera na

nganu na divai ivuwa.

8 Hang'onji na kupata mbota kwa ponga,

toziya gwee Mtuwa Mlungu gweka yaku, gundolera.