1 Mwenga wakolamlima, hashi, mtoza kwa haki?

Hashi mwankuwatoza wantu teratera?

2 Ndala, mwenga mlihola hera kutenda ukontola,

maweni mwenga mpalasiya madoda pasipanu.

3 Wakontola wapotoka kwanjira pawiwukiti.

Wapaya awa, wakoseya kulawa pawiwukiti.

4 Wanausungu handa usungu wa njoka,

mazogu handa njoka lunkumbu,

5 mweni wapikinirandiri ata liziwu lya mhawi,

ama lwimbu lwa yawapunga.

6 Gwee Mlungu gugamegi menu ga wankondu,

gwee Mtuwa Mlungu gugatupuli masaya gawu yagawera handa ga simba.

7 Wawuki handa mashi yagadodomera mumhanga,

pawanika upindi wawu na misali idufuki.

8 Wagamiri handa shikolukolu ntambu yakalififa,

gambira ndengu yakahowiti yakawona ndiri mshenji.

9 Pamberi shiwiga hashenipati motu

hakashinyasuli pamberi nyama hayenipiyi.

Kwa maya ga Mlungu wagulusiwi kutali, pawawera wankali wakomu.

10 Waaminika hawanemeleri pawawona wakontola wankukomangwa,

hawatimbangi mwazi gwa wantu wadoda,

11 Wantu woseri hawalongi, yina, waminika wankupata lifupu,

nakaka kwana Mlungu yakapatoza pasipanu.