Zabuli 93

Mlungu mkolamlima

1 Mtuwa Mlungu kakolamlima.

Mtuwa Mlungu kalivalasiya uweru na kulitawa makakala.

Kapagangamaziya pasipanu na hapeni pabegiziwi nakamu.

2 Ukolamlima waku ugangamala kwanjira makashu,

gwenga guwera pamberi ya vyaka vyoseri.

3 Gwee Mtuwa Mlungu, nshemba zilaviya liziwu,

nshemba zibotanga,

nshemba zankulaviya maziwu ga makupala gakuyi.

4 Mtuwa Mlungu ndo mkulu kumpindi,

kana likakala kuliku liziwu lya bahari,

kana likakala kuliku makupala ga bahari.

5 Gwee Mtuwa Mlungu, malagalira gaku ndo magangamala nakamu,

numba yaku nkulu ndo nanagala,

mashaka goseri.