1 Gwee Mtuwa Mlungu gutendi kalongola kulopola, toziya wantu waheri wapera,

na wantu waminika wagamira muwamu mwa wantu.

2 Kila yumu kampanyira myaguwi,

kalonga kwa kupaya na kwa moyu gwa ufyanku.

3 Gwee Mtuwa Mlungu guyinyamaziyi miromu yoseri yayiyowera mpayu,

na kila lulimi lwalulitumba lutakula,

4 "Kwa miromu yetu hatukanki,

tuweza kulitumba,

kwahera yakaweza kutukolamlima."

5 Kumbiti Mtuwa Mlungu kalonga,

"Toziya wahushu wankuzulumiwa,

na yawafira vintu wankulalama,

vinu niza niwapanani uponera yawahepera niwatangi."

6 Visoweru vya Mtuwa Mlungu viherepa,

viherepa gambira madini ga feza yagagululitwi mulitanuli,

yina, handa mpiya yayigululitwi mala saba.

7 Gwee Mtuwa Mlungu gutuloleri mashaka goseri

na gutushingi na shiyiwuku ashi sha ukontola.

8 Wakontola wankuzyengeta kila pahala,

ukontola wankukwiswa pakati pa wantu.