1 Gwee Mlungu gundoleri, mana kwaku ntugira uponera.

2 Nimgambira Mlungu, gwenga ndo Mtuwa gwangu,

nahera liheri lyoseri ila lyalilawa kwa gwenga.

3 Mbaka wananagala awa yawawera muisi,

kulikala na womberi ndo nemeru yangu.

4 Kumbiti yawaguwira wamlungu wamonga,

hawaweri na ntabiku zivuwa. Tambiku ya mwazi hapeniniilaviliri nakamu,

na matawu ga wamlungu awa hapeninigaguwiri.

5 Gwee Mtuwa Mlungu, gwenga gwa kila shintu kwaneni,

gundolera na kukolamlima makaliru gangu.

6 Gumpanana pahala paherepa,

yina mpata uhala uherepa.

7 Nimuzyuma Mtuwa Mlungu kwa kunongoziya,

ata pashiru moyu gwangu gunfunda.

8 Nimlola Mtuwa Mlungu mashaka goseri,

toziya ka pamuhera na neni, pota kutikinyika.

9 Hangu hanemeleri na kufyapilira kwa moyu gwangu goseri,

naneni hanilikali kwa ponga,

10 toziya gwenga hapenigundeki kulisembi,

pota kundeka nagamiri.

11 Gunanguziya njira ya kufikira ukomu,

kuwera kwaku kumemiziya nemeru ya nakaka,

muliwoku lyaku lya likakala mwanamaheri ga mashaka goseri.