1 Mtuwa Mlungu kamgambira mtuwa gwangu,

"Gulikali uwega waneni wa kumliwu,

mpaka paniwatula wankondu waku pasi pa magulu gaku"

2 Mtuwa Mlungu hakapalasiyi makakala gaku ga ukulu kulawa Sayuni,

hagukolimlima wankondu waku woseri.

3 Wantu waku hawalilavii weni,

mu lishaka pagugenda kuwakomanga wankondu.

Paguwera guvaliziwa nguwu nanagala,

na makakala gaku hagatendwi syayi handa mangami ga mandawira.

4 Mtuwa Mlungu kalirapa na hapeni kagalambuli maholu gakuyi:

"Gwenga ndo mtambika mashaka goseri ntambu yakaweriti Melikizedeki."

5 Mtuwa kauwega waku wa kumliwu,

hakawaposholi wafalumi pakakalalaku.

6 Hakagatozi maisi na kuwalaga wantu wavuwa,

Hakawapondi wakulu kila pahala pasipanu.

7 Mfalumi hakalandi mashi ga lushemba lwaluwera pakwegera na njira,

nayomberi hakaweri mkanka.