1 Kwakuyi Mtuwa Mlungu ntugira uponera, muwezahashi kung'ambira,

guguluki gambira mpongu,

mpaka kumigongu,

2 toziya wakontola wanika pindi, watula kala misali mulugoyi,

su wawagumi wantu waheri mluwindu.

3 Shaka lyanjiru palihalibisiwa,

muntu mwaminika hakatendi shishi?

4 Mtuwa Mlungu Kamulihekalu lyakuyi linanagala,

shiti shakuyi sha ukulu sha Mlungu sha kumpindi.

Kwa masu gakuyi kawasungulira wantu,

na kuvimana kila shintu shawatenda

5 Mtuwa Mlungu kawapima waminika,

kumbiti kwawakalalira wakontola na yawatenda ndewi.

6 Hakawatoweri wakontola mvula ya makala ga motu na shibiriti,

lyega lya livuki ndo nkomangu yawu.

7 Mtuwa Mlungu ndo gwa haki na kafira matendu ga haki,

wantu waheri hawalikali pamuhera nayomberi.