1 Mumzyumi Mtuwa Mlungu!

Mwenga wantumintumi wa Mtuwa Mlungu,

mlizyumi litawu lyakuyi!

2 Litawu lya Mtuwa Mlungu litekelerwi,

vinu na ata mashaka goseri.

3 Kulawa kwakagulawa mshenji mpaka kwaguzyeta mshenji,

litawu lya Mtuwa Mlungu likwiswi!

4 Mtuwa Mlungu kanyasulwa pampindi pa maisi goseri,

uweru wakuyi usoka pampindi pa mpindi.

5 Gaa yakawera handa Mtuwa Mlungu, Mlungu gwetu?

Yomberi kalikala pampindi nentu,

6 kumbiti kankulola pasi,

kaziwoni mpindi na pasipanu.

7 Kawanyasula wahushu kulawa mumadikudiku;

kamnyasula yakana nfiru kulawa mulifunkusi,

8 na kumtula pamuhera na wakulu,

pamuhera na wakulu wa wantu wakuyi.

9 Kampanana mdala mpendi nemeru mnumba mwakuyi,

kamnemiziya kwa kumpanana wana.

Mmuzyumi Mtuwa Mlungu!