1 Gwee Mtuwa Mlungu, ndo gaa hakingili muliringu lyaku?

Gaa hakalikali pa lugongu lwaku lunanagala?

2 Ndo muntu yakalikala pakatenda maheri,

yakatenda yagafiliziwa na Mlungu mashaka goseri,

yakalonga nakaka kulawa mumoyu,

3 ndo muntu yakampayilandiri yumonga,

yakamtenderandiri ukontola yumonga

pota kumteta yumonga,

4 muntu yakambeziya muntu mkontola,

kumbiti kawapanana ligoya yawamguwira Mtuwa Mlungu,

tembera kalirapa kwa maya gakuyi, Kavigalambulandiri visoweru vyakuyi,

5 muntu yakamupandiri mpiya yumonga su kupata nongera,

nakankandiri swinda su kamwimi shakafiruwa kupata yakahera likosa.

Muntu yakatenda aga nakaka hapenikatikinyiki.