1 Mlungu kanyawa mji gwakuyi

pampindi pa migongu yakuyi minanagala.

2 Mtuwa Mlungu kayifira migomi ya Sayuni,

kuliku pahala gamonga pa Yakobu.

3 Mirandu yakukangashwa ikantwa kwa gwenga,

gwee mji gwa Mlungu.

4 "Hantuli liholu lya Rahabu na Babeli.

Muwamu mwa walii yawanjimira

Filisti, Tiru pamuhera na Esopiya,

woseri wiwukiti amu."

5 "Kuusu Sayuni hayitakulwi,

Sayuni ndo mawu gwa ayu na ayu,

Mlungu mkulu hakagugangamaziyi."

6 Mtuwa Mlungu hakalembi mushitabu,

walanga ya wantu.

Ayu kiwuka Sayuni!

7 Yawavina na wimba hawalongi.

"Sayuni shanjiru shetu sha tekelera."