1 Mtuwa Mlungu pakayinyawandiri numba,

yawayinyawa waligaziya hera.

Mtuwa Mlungu pakagulolerandiri mji,

yawagulolera walikala masu hera.

2 Mligaziya hera kwimuka mandawira putiputi

na kukawalira kugonja,

kwa kusakula shiboga.

Kumbiti yomberi kawapanana shiboga yakawafira ata pawawera wagonja.

3 Wana ndo uhala weni Mtuwa Mlungu katupanana,

wana ndo lifupu lyakuyi kwa twenga.

4 Wana yawiwuka shaka walera wawu pawawera wantemba,

ndo handa misali mumawoku mwa wamashonta.

5 Katekelerwa mweni kammemiziya misali mivuwa mumbeta.

Hapeni kasindi,

shaka pakaliwona na wankondu wakuyi kumigomi mikulu.