1 Mlungu kagolokera lijojoniru lyakuyi,

kankulaviya toza mulijojoniru lya wamlungu.

2 Mpakandii hamtozi pota haki

na kuwapendeleya wantu wakontola?

3 Mteteyi yawahera likakala na washiwa,

mtuliweri haki zya wahushu na yawawonelwa.

4 Muwalopoli yawawonerwa na wahushu,

muwalopoli kulawa mumakakala ga wakontola.

5 "Kumbiti wavimanandiri shoseri pota kuvimana!

Wankugendagenda muluwindu,

miyanjiru yoseri ya pasipanu ibegiziwa.

6 Neni nongiti mwenga ndo wamlungu,

mwenga woseri ndo wana wa yakawera kumpindi nentu!

7 Ata hangu, hamhowi gambira wantu woseri,

hamguwi handa mkulu yoseri."

8 Gwee Mlungu, gugoloki gupatozi pasipanu,

mana maisi goseri ndo uhala waku.