1 Gwee Mlungu, gundopoli kwa litawu lyaku

gunteteyi kwa makakala gaku.

2 Gwee Mlungu, guyambiri likutu gupikinili luwa yangu,

guvipikiniri visoweru vya mlomu gwangu.

3 Wantu wana mtiti wankunkomanga,

wangesera wankugagwadira makaliru gangu,

wantu yawamsherandiri Mlungu.

4 Kumbiti nivimana Mlungu ndo mtanga gwangu,

Mtuwa Mlungu ndo yakagalolera makaliru gangu.

5 Yomberi hakawakomangi wankondu wangu, kwa ukontola wawu weni

kwa waminika waku, gwee Mlungu, guwagamiziyi.

6 Hanikulaviliri tambiku kwa moyu guherepa

hanongi mayagashii toziya gwenga ndo mheri,

7 mana gundopola muntabika zyangu zoseri,

masu gangu gawona wankondu wangu wasinda.