1 Gwee Mlungu, gutuwoneri lusungu na gututekeleri,

gutulangaziyi langala la sheni shaku,

2 su pasipanu poseri pavimani njira zyaku,

maisi goseri gavimani makakala gaku ga kulopola.

3 Gwee Mlungu wantu woseri wakukwisi,

wantu woseri wakuzyumi gwenga!

4 Gwee Mlungu maisi goseri ganemeleri na kwimba kwa nemeru,

toziya guwatoza ntambu yagufira

na kuwalongoziya wantu woseri pasipanu.

5 Gwee Mlungu wantu woseri wakukwisi,

wantu woseri wakuzyumi gwenga!

6 Litapaka na liraviyi mabenangu gakuyi,

Mlungu, Mlungu gwetu, katutekelera.

7 Mlungu hakatutekeleri,

na wantu woseri pasipanu wamguwiri yomberi.