1 Mumzyumi Mtuwa Mlungu!

Mumzyumi Mlungu pananagala pakuyi,

Mumzyumi kumpindi zakuyi nkulu.

2 Mumzyumi toziya ya matendu gakuyi makulu,

mumzyumi toziya ya uweru wakuyi mkulu.

3 Mumzyumi kwa mlilu gwa lipenka,

mumzyumi kwa zezi na lingutinguti.

4 Mumzyumi kwa ngoma na kuvina,

mumzyumi kwa miluli na lingutinguti!

5 Mumzyumi kwa kugomba madebi.

Mumzyumi kwa madebi yagana liziwu nentu.

6 Kila shiwumbi shikomu shimzyumi Mtuwa Mlungu!

Mumzyumi Mtuwa Mlungu!