1 Ndola pampindi pamigongu,

utanga wangu hawulawi koshi?

2 Utanga wangu hawulawi kwa Mtuwa Mlungu,

yakawumbiti mpindi na pasipanu.

3 Hapeni kakuleki guguwi,

mlolera gwaku yakasizirandiri.

4 Nakaka mlolera gwa Israeli,

kasizirandiri pota kugonja.

5 Mtuwa Mlungu ndo mlolera gwaku,

kauwega waku wa kumliwu kukulolera.

6 Paluwala mshenji hapeni gukutendi,

pota lyezi shaka sha pashiru.

7 Mtuwa Mlungu hakakushingi na kila lidoda,

hakagaloleri makaliru gaku.

8 Mtuwa Mlungu hakakuloleri pagugendaku na kuwuya,

kwanjira vinu na ata mashaka goseri.