1 Mwizi tumwimbiri Mtuwa Mlungu kwa kunemelera,

tumfyapiliri kwa nemeru litalabuhi lya ulopola wa twenga!

2 Tugendi kulongolu kwakuyi kwa kulonga mayagashi,

tumfyapiliri kwa nyimbu za kumzyuma.

3 Toziya Mtuwa Mlungu, ndo Mlungu mkulu,

yomberi ndo mfalumi mkulu kwa wamlungu woseri.

4 Miyanjiru ya pasipanu poseri yapamawoku gakuyi,

mbeleru za migongu ndo zakuyi.

5 Bahari ndo yakuyi toziya ndo yakainyawiti,

kwa mawoku gakuyi kanyawiti isi iyuma.

6 Mwizi tuguwi makukama na kumguwira,

tumsundamaliri Mtuwa Mlungu, Muumba gwetu!

7 Mana yomberi ndo Mlungu gwetu,

na twenga ndo wantu wakuyi,

katulolera handa mshunga gwa kondolu.

Meyiweri mbaka leru kupikanira liziwu lyakuyi.

8 "Namuwera wankesera ntambu yamtenditi kulii Meriba,

ntambu yamtenditi lishaka lii Masa kushiwala,

9 wazewi wenu pawanjeriti na kumpima,

tembera waweriti wawona mirandu yaniwatendiriti.

10 Kwa vinja arobaini, ngalaziwitwi na shiyiwuku ashi,

ntakula, nakaka, awa ndo wantu yawapotokiti.

Wavimanandiri njira za neni.

11 Su, nkalaliti na nilirapa,

hapeni wingiri pahala pangu pa kwoyera."