1 Mbaka muntu yakafatandiri litakuziwu lya wakontola,

yakatendandiri ntambu yawatenda yawanavidoda,

pota kuwera pamuhera na yawanalijonga,

2 kumbiti kanemelera kujimira lagiru ya Mtuwa Mlungu,

na kuyihola paluwala na pashiru.

3 Muntu ayu ndo handa mtera yaguyalitwi kumpeku kulushemba,

yagulera mabwajubwaju kwa shaka shakuyi,

na mihamba yakuyi inyalandiri.

Shoseri shakatenda shiwera na mpatiru.

4 Kumbiti wakontola wahangundiri,

womberi ndo handa miwawi yayigulusiwa na lihega.

5 Hangu wakontola hawatozwi na Mlungu,

pota wanavidoda hapeniwaweri pamuhera na wananagala wa Mlungu.

6 Mana Mtuwa Mlungu kazilonguziya njira za wanahaki,

kumbiti njira za wakontola haziagamiziwi.