1 Gwee Mtuwa Mlungu mfalumi kankufyapilira, kwa likakala lyaku,

kanemelera nentu kwa ukanka yagumpiti.

2 Gumtendera shakafiriti mumoyu mwakuyi,

pota kumubelera luwa yakuyi.

3 Gumwizira, gumpanana ntekerera zivuwa,

gumvalasiya lijenjeri lya zahabu liherepa kumtuyi gwakuyi.

4 Kakuluwiti ukomu na gwenga gumupa,

gumupiti kulikala mashaka matangala.

5 Kulawilana na ukanka yagumupiti kakwiswa nentu,

gwenga gumtenda kamaniki na manemu.

6 Gumpana ntekelera zaku mashaka goseri,

gumnemiziya toziya gwa pamuhera nayu.

7 Mfalumi kamtumbira Mtuwa Mlungu,

toziya ya ufiru mkulu wa Mtuwa Mlungu,

hakaweri poneka.

8 Liwoku lyaku haliwabati wankondu waku woseri,

liwoku lyaku lya kumliwu haliwabati yawakukalalira.

9 Pagulawiraku,

haguwagamiziyi handa tanuli lya motu.

Mtuwa Mlungu hakawamaliri kwa maya gakuyi,

motu haguwalunguziyi nakamu.

10 Haguwagamiziyi wiwuka wawu pasipanu,

wana wawu hapeniwasigali pakati pawantu.

11 Ata pawapanga makontola kwa gwenga,

na pawatunga mipangu idoda, nakaka hapeni wafanikiwi.

12 Toziya gwenga haguwagumi misali,

na haguwatendi watugi.

13 Gwee Mtuwa Mlungu gukwiswi kwa makakala gaku,

na twenga hatwimbi na kuzyuma makakala gaku.